پوهنې وزیر د نتایجو او شهادتنامو له ریاست څخه په ناڅاپي ډول لیدنه وکړه
پوهنې وزارت- کابل: پوهنې وزیر ډاکتر محمدمیرویس بلخي د مراجعینو چارو رسیدو میکانیزم څیړلو او د مدیریتي او ځواب ورکونې سیستم تیرو ستونزو له مینځه وړلو لپاره له خبرتیا پرته د نتایجو او شهادتنامو ریاست څخه لیدنه وکړه.
پوهنې وزیر د شهادتنامو ریاست د فارغینو،هیواد څخه بهر زده کوونکو او شهادتنامو برخو له لیدو وروسته ولس ته د حساب ورکونې او څواب وینې سیستم څخه بیاکتنه وکړه.
پدې لیدنه کې ډاکتر بلخي له خلکو سره له خبرو وروسته، د مراجعینو چارو پروخت سر ته رسیدو په موخه د شهادتنامو ریاست مختلفو برخو کارکونکو ته لازم هدایتونه ورکړل.
پوهنې وزیر به د اصلاحاتو راوستو، د مدیریت ښه والي او پراختیا او د یو شفافه او ځواب ویونکي سیستم په موخه به د پوهنې وزارت له ټولو برخو څخه لیدنه او څارنه وکړي.
د یادونې وړ ده چې له دې نه وړاندې پوهنې وزیر ډاکتر بلخي په ناڅاپې ډول د بشري سرچینو،د نتایجو او شهادتنامو ریاست،د کابل ښار پوهنې ریاست او یو شمیر ښوونځيو څځه لیدنه کړې او د ستونزو حل په موخه د مراجعینو په مینځ کې حاضر شوي وو.
