پوهنې وزیر د پکتیا ولایت مشرانو او مخورو سره په لیدنه کې د یاد ولایت ښوونې او روزنې ستونزې وڅیړلې
پوهنې وزارت- کابل: پوهنې وزیر ډاکتر محمدمیرویس بلخي د پکتیا ولایت له مشرانو او مخورو سره ولیدل، او د یاد ولایت ښوونې او روزنې ستونزې یې وڅیړلې.
دا لیدنه چې نن د زمري ۸ مه پوهنې وزارت کې تر سره شوه؛ ډاکتر بلخي د پکتیا ولایت ښوونې او روزنې ستونزو له اوریدو وروسته ژمنه وکړه چې د یادو ستونزو د حل په موخه به جدي کړنې تر سره کړی.
ډاکتر بلخي د پوهنې وزارت یو ولسي، غیر سیاسي او ټول ګټو وزارت یاد ګړ، او د ښوونې او روزنې ښه والي په برخه کې د ولس په رول او ملاتړ ټینګار وکړ.
د پکتیا ولایت مشرانو په دې لیدنه کې د زده کړو ښه والې په برخه کې خپل وړاندیزونه د پوهنې له وزیر سره شریک کړل او په یاد وزارت کې د اصلاحاتو مینځ ته راوړلو په موخه يې د پوهنې وزارت مشرتابه له کړنو ستاینه وکړه.
