د پوهنې وزیر په شتون کې؛ پوهنې وزارت او د پارلمان مالي او بودجې کمسیون ګډه غونډه تر سره شوه
پوهنې وزارت- کابل: د پوهنې وزارت او د پارلمان مالي، د عمومي محاسباتو بودجې او د بانکونو چارو کمیسیون غونډه د پوهنې وزیر ډاکترمحمدمیرویس بلخي په شتون کې تر سره شوه.
دا غونډه چې تیره ورځ د زمري ۶ مه تر سره شوي وه؛ پوهنې وزیر او ورسره مل پلاوو د ښوونې او روزنې په برخه کې د لاسته راوړنو، راغلو اصلاحاتو او همدارنګه د افغان ماشومانو راتلونکې لپاره د همکاریو پیاوړتیا په برخه کې د شته ننګونو راپور یاد کمیسیون ته وړاندي کړ.
د پارلمان مالي، د عمومي محاسباتو بودجې او بانکونو چارو کمیسیون په دې ليدنه کې د پوهنې وزیر لاسته راوړنې او کارونه مثبت او غوره یاد کړل او د پوهنې وزارت سره يې په ګډو همکاریو ژمنه وکړه.
