زابل کې د خپلواکۍ د سلمې کلیزې په ویاړ دښوونځیو تر منځ علمي سیالۍ ترسره شوې
د خپلواکۍ د سلمې کلیزې په ویاړ دزابل د پوهنې ریاست لخوا د یاد ولایت د ښوونځیو د زده کوونکو تر منیځ علمي سیالۍ تر سره شوي.
په هغه غونډه کې چې په همدې تړاو د پوهنې ریاست دغونډو په تالار کې جوړه شوه وه، د زابل دپوهنې رییس نصرالله زاهد دخبرو په تر څ کې وویل: چې خپلواکي او استقلالیت د یوه هېواد او ملت له غوره ارزښتونو څخه شمېرل کیږي.
زاهد د افغانستان د ازادۍ د ۱۰۰ مې کلیزي په هکله د شاه غازي امان الله خان پر هغه معارف دوسته هڅو رڼا واچوله چې په خپله واکمنۍ کې يې د هېواد او زده کوونکو لپاره کړي وو.
یاده سیالۍ د شاجوی د باباهوتک لومړی نمبر او دوهم نمبر لېسو او همدا شان د مرکز کلات د شیخ متي او ترنک لېسو د زده کوونکو تر مینځ ترسره شوې
د پروګرام په وروستۍ برخه کې د دواړو لورو زده کوونکو ته نقدي او معنوي ډالۍ ورکړل شوې او ژمنه وشوه چې دا ډول نوري عملي سیالۍ به بیاهم د مرکز کلات او ولسوالیو زده کوونکو ترمنځ په لاره اچوي ترڅو د ښوونځیو ترمنځ همغږۍ او د زده کوونکو ترمنځ پېژندګلوي رامنځ ته شي.
