د کنړ د سرکاڼو ولسوالۍ د نجونو په لېسه کې کمپیوټر لب فعال شو
د پوهنې وزارت، کنړ: د کنړ ولایت د سرکاڼو ولسوالۍ د نجونو په مرکزي لېسه کې کمپیوټر لب پرانستل شوه.
دغه کمپیوټر لب د کمپیوټر مضمون د عملي زده کړو په موخه د (ستاره درخشان) موسسې له لوري جوړ شوی دی.
د کنړ د پوهنې ریس مجیب الرحمن همدرد دغه کمپیوټر لب د پرانیستې پرمهال د مرسته کوونکې ادارې نه د مننې تر څنګ وویل: د کمپیوټر زده کړه د اوسني عصر غوښتنه ده او اړینه ده چې زموږ زده کوونکي د نورو علومو تر څنګ کمپیوټر هم زده کړي، هغه د یادې لېسې له زده کوونکو وغوښتل چې له یادو وسایلو او تجهیزاتو څخه په عملي زده کړو کې ګټه واخلي او ساتنې او مراقبت ته یې هم جدي پاملرنه وکړي.
