په کونړ ولایت کې د بي بي فاطمي د نجونو د ښوونځي سره د کمپیوترونو مرسته وشوه
د پوهنې وزارت، کونړ: د کونړ ولایت د پوهنې ریاست د مشرتابه په هلو ځلو د « پامرنې» مؤسسي په دې وروستیو کې د یاد ولایت د بی بی فاطمې د نجونو لیسې سره د پنځه لپ ټاپ کمپیوترونو مرسته وکړه .
په هغه غونډه کې چې په همدې موخه جوړه شوي وه، د کونړ دپوهنې ریاست مسوولینو سربیره د افغانستان د پاملرنې مؤسسي مسوول رحمت الله حنیفی، ښوونکو او زده کوونکو ګډون در لود.
دکونړ ولایت د پوهنې ریاست تدریسي مرستیال عبدالقهار اخندزاده میلمنو ته د ښه راغلاست په ویلو سره د یادې مؤسسي د همکارۍ څخه مننه وکړه او د کونړ ولایت د ښوونځیو د تجهیز په برخه کې د یادې مؤسسي د لا همکاریو ِغوښتنه وکړه.
په پای کې، د افغانستان پاملرنې مؤسسي استازی رحمت الله حنیفي ژمنه وکړه چې په کونړ ولایت کې د ښوونې او روزنې و ضعیت د لا ښه کولو په برخه کې به خپلو همکاریو ته دوام ورکوي.
د یادونې وړ ده چې په تیرو وختونو کې دغه مؤسسي د پوهنې ریاست سره مرسته او همکاري کړي.
