د هلمند ولایت په بغني ولسوالۍ کې ۱۵ بابه کلیوالۍ ټولګي پرانیستل شوه
د پوهنې وزارت، هلمند: د هلمند ولایت د بغني ولسوالۍ د خلکو په غوښتنه او د پوهنې ریاست د هڅو له امله، له ډیري مودې وروسته، په یاده ولسوالۍ کې ۱۵ بابه کلیوالۍ ټولګي پرانیستل شوه.
دهلمند ولایت د پوهنې رییس محمد داود شاه صفاری وویل: د بغنی ولسوالۍ د ولایت د مرکز نه ۱۸۰ کیلو متره لیرې ده، چې د ولسوالۍ د خلکو په غوښتنه ۱۵ بابه کلیوالۍ ټولګي نوي تاسیس او ۵۲۵ تنو ماشومانو ته یې د زده کړي زمینه برابره کړه.
نوموړي زیاته کړه: د ښوونځیو زده کوونکو ته درسي توکي او د مکتب بکسي توزیع شوي او په پام کې لرې چې پدې ولسوالۍ کې نور ښوونځي هم جوړي کړو تر څو نجونۍ او هلکان د سالم درسي چاپیریال په در لو دلو سره خپلو زده کړو ته دوام ورکړي.
همدارنګه ژمنه وشوه چې د پوهنې وزارت په موجوده مالي سرچینو په کارولو سره په بغني ولسوالۍ کې د نوي ښوونځیو جوړولو غوښتنه وکړي.
د هلمند د پوهنې رییس زیاته کړه چې له نېکه مرغه د هلمند ولایت خلکو په بیلابیلو ولسوالیو کې د یو نیم میلیار افغانیو په ارزښت ۸۱۶ جریبه ځمکې ديوهنې ریاست سره مرسته کړي، چې د ستاینې وړ ده او موږ په دې ولایت کې د نوي ښوونځي د جوړولو ژمنه کوو.
په پایله کې ، یو تن قومي مشر د موضوع په اړه خبرې وکړې او د پوهنې ریاست څخه یې د ماشومانو لپاره د زده کړې اسانتیاو په برابرولو کې د دوی د هڅو څخه مننه وکړه او د پوهنې په برخه کې یې د لا زیاتو همکاریو ژمنه وکړه.
