د ننګرهار پوهنې ریاست او اکبر مرستندویه بنسټ ګډه ناسته وکړه
پوهنې وزارت، ننګرهار: د ننګرهارپوهنې رئیس حسیب الله شینواري د اکبر بنسټ له پلاوي سره په ګډه کاري ناسته کې وویل: ننګرهار ولایت کې د ښوونې او روزنې متوازن پرمختګ د پوهنې ریاست له لومړیتوبونو څخه دی له همدې امله مرستندویه ادارې دې هم دې برخې ته پاملرنه وکړي.
نوموړي زیاته کړه: موسسات باید هغو لیرې پرتو سیمو ته چې اوس په کی امنیت خوندي شوی ځانګړې پاملرنه وکړي. او په مرستندویه چارو کی لومړیتوب ورته ورکړي، نوموړي زیاته کړه: پوهنی ریاست او مرستندویه موسسو ترمینځ باید همغږي او څارنه شتون ولري، د اکبر بنسټ له مشرتابه یی غوښتنه وکړه، چې له ټولو مرستندویه موسسو سره دا خبره شریکه کړي.
په ناسته کې د اکبر بنسټ هیئت ژمنه وکړه چې یادې سپارښتنی به له پوهنی ریاست سره د مرسته کوونکو ادارو له مشرانو سره شریکې کړي او ترې به وغواړي چې له پوهنې ریاست سره په ګډ کار کې د همغږۍ .څارنې او راپور ورکولو سیستم لا پیاوړی کړي. په دې ناسته کې پر ځینو نورو اړوندو مسایلو هم خبری وشوې.
