د بدخشان ولایت د وحدت آباد ښوونځي د ودانۍ د بنسټ ډبره کیښودل شوه
د پوهنې وزارت، بدخشان : د بدخشان ولایت د کشم ولسوالی کې د وحدت آباد لومړني ښوونځي د ودانۍ بنسټ ډبره د یولړ مراسمو په ترڅ کې د یاد ولایت د پوهنې رییس عبدالسمیع ابد یار، د محلي ادارو مسوولینو، قومي مشرانو، ښوونکو او زده کوونکو په شتون کې کیښودل شوه.
د وحدت آباد ښوونځي ودانۍ په پاخه او اساسي ډول د سویډن کمیټې په مالي مرسته د یولس نیم میلیون افغانیو په مجموعي لګښت جوړیږی چې، ۸ درسي ټولګي، ۴ اداري خونې، د احاطې دیوال، د پاکو اوبو څاه، تشنابونه او نوري اړیني اسانتیاوي لري چې له پرانیستلو سره یې د یاد ښوونځي زده کوونکو ته د خوندي درسي چاپیریال زمینه برابره شوه.
د بدخشان د پوهنې رییس عبدالسمیع ابدیار په داسې حال کې چې د ښوونځي جوړیدو له امله یی د سویډن کمیټې څخه مننه وکړه او وویل: معارف عامه اداره ده او ډیری ستونزې او ننګونې پکې شتون لري چې باید د خلکو او همکارو ادارو په همغږي او همکاریو ته پاملرنه وشي.
د پوهنې رییس ښوونه اوروزنه د یوې ټولنې پرمختګ وباله او له اوسیدونکو او ښوونکو یې وغوښتل چې د ماشومانو د تعلیم لپاره د پوهنې ریاست سره په همکارۍ کې غوره امکانات رامنځته کړي.
