د افغانستان لپاره د یونیسف اداري مشر د ننګرهار د ملنګ جان مینی د کلیوالي ښوونځي څخه لیدنه وکړه

media-moe
یکشنبه ۱۳۹۸/۱۱/۲۰ - ۱۵:۱۷
د افغانستان لپاره د یونیسف اداري مشر د ننګرهار د ملنګ جان مینی د کلیوالي ښوونځي څخه لیدنه وکړه

د پوهنې وزارت_ننګرهار: د افغانستان لپاره د UNICEF ادارې مشر ډاکټر ابوبکر د ننګرهار ولایت د بهسودو ولسوالۍ د ملنګ جان مېنې کلیوالي ښوونځي څخه لیدنه وکړه.
د یونیسف د ادرای مشر د ښوونځي څخه دلیدنې پرمهال چې په ختیځ زون کې د یونیسف ادارې مشر سیف الدین یې ملتیا کوله د پوهنې ریاست مالي او اداري مرستیال سید عیسی سادات له پوهنیز بهیر سره د یونیسف ادارې له هر اړخیزو مرستو مننه وکړه ویې ویل همدا د یونیسف ادارې مرستې دي چې په کلیوالو او لرې پرتو سیمو کې نجونو او هلکانو ته د زده کړو زمینه برابره شویده.
دپوهنې ریاست مرستیال دافغانستان لپاره د یونیسف ادارې له مشر نه له دې امله مننه وکړه چې پخپله یې سیمې ته سفر وکړ او ددوی ستونزې یې له نږدې ولیدې.
بیا د ملنګ جان مېنې د کلیوالي ښوونځي دشورا مشر محمد جان خبرې وکړې او دیونیسف د مرستو نه د مننې څرګندولو تر څنګ یې د ملنګ جان مېنې دښوونځي لپاره د ودانۍ، احاطې دیوال او څښاک اوبو د برابرولو او همدارنګه د ښوونکو دشمېر د ډیروالي غوښتنه وکړه.
دیونیسف مشر ډاکټر ابوبکر وویل: په روان کال کې به په دې او دې ته ورته نورو هغو کلیوالي ښونځیو کې چې د یونیسف ادارې په مرسته پکې پوهنیز بهیر روان دی پام وړ بدلونونه راشي. هغه وویل دوی هڅه کوي چې هلکانو او نجونو ته په مساوي ډول دزده کړو زمینه برابره کړي.
هغه د ښونځیو په پرمختګ کې د شورا ګانو رول خورا مهم وباله او د ملنګ جان مېنې کلیوالي ښوونځي له شورا نه یې ددوی د ملاتړ له امله ځانګړې مننه وکړه.هغه همدارنګه دپوهنې ریاست مشرتابه ته د مرستو د دوام ډاډ ورکړ.

تازه خبرونه

شنبه ۱۳۹۹/۱/۹ - ۱۲:۱۰
Background image

د پوهنې وزارت د تدریسي، اداری او خدماتي څانګو د ټولو کارکوونکو د وري د میاشتې معاشونه د رخصتیو په موده کې ورکول کیږي

پوهنې وزارت ـ کابل: د کابل ښار، کابل ولایت او هرات ولایت په ګډون د ټولو ولایتونو د ښوونکو، مامورینو او اجیرانو د ۱۳۹۹ مالي کال د وري میاشتې د رخصتیو مودې معاشونه د ورکړې وړ دي.
پوهنې. . .

چهارشنبه ۱۳۹۹/۱/۶ - ۱۱:۳۰
Background image

د پوهنې وزارت د کارکوونکو روغتیایي معاینه ترسره او په کاري دفترونو باندې د مکروب ضد درمل وپاشل شول

پوهنې وزارت_کابل:د پوهنې وزارت مشرتابه په لارښوونه او د کارکوونکو سلامتي او روغتیا ساتنې او د کووید-۱۹ وژونکي ناروغۍ د خپریدو او مخنیوي په موخه نن سهار د پوهنې وزارت کارکوونکي د یاد. . .

چهارشنبه ۱۳۹۹/۱/۶ - ۹:۲۱
Background image

د انعکاس تلویزیون له لارې به د درسونو د خپریدو لړۍ د وري له پنځمې د سی شنبې په ورځ پېل شي

پوهنې وزارت_ننګرهار: د ننګرهار پوهنې ریس حسیب الله شینواري د انعکاس رسنیز مرکز د ریس انجنیر زلمي سره د ګډې همکاری د تفاهم لیک د لاسلیک په مراسموکې چې د ننګرهار والي شاه محمود میاخیل او. . .

BACK TO NEWS