د کابل ښار پوهنې او د کابل له ولایت څخه د پوهنې خبرونه
کابل:
د کابل د ښار پوهنې ریاست د رهبرۍ غونډه د دغه ریاست د ریس مولوي احسان الله خطاب په مشرۍ جوړه شوه.
په دغه جلسه کې د ښوونځيو د کتابتونونو او لابراتوارونو د کارونې په لارو چارو، د دغه ریاست په دفترونو کې د مراجعینو د بې نظمۍ مخنیوي او په نورو اداري مسایلو هم بحث او خبرې وشوې.
د پامیر افغان خیریه موسسې په مالي مرسته د کابل ولایت د بګرامي ولسوالۍ د لسو خصوصي ښوونځیو د مسوولینو لپاره د دې ولسوالۍ د پوهنې ریاست په همغږۍ د پیداګوژۍ په برخه کې یو روزنیز سیمینار جوړ شو.
د شکردرې ولسوالۍ د پوهنې ریاست مسوولین وايي: دوی د دې ولسوالۍ د کثیر الرشتوي ښوونځي له اداري او تدریسي چارو څخه څارنه وکړه.
په ورته ډول:
د استالف ولسوالۍ د څارنې ټیم غړي وایي: د دې ولسوالۍ د کثیر الرشتوي د ښوونیز مرکز د څارنې پرمهال یې د معیاري خونو، د ټولګیو او درسي کتابونو د نشتوالي ستونزې او د کلنۍ ازموینو د اخیستلو لارې چارې وڅېړلې.
په یو بل خبر کې:
د کلکان ولسوالۍ د پوهنې ریاست د څارنې آمریت غړو د یادې مدرسې د اداري او تدریسي اسنادو د ارزونې ترڅنګ د د تدریسي بهیر څخه هم څارنه وکړه.
