له ولایتونو څخه د پوهنې لنډ خبرونه
- میدان وردک
د میدان وردکو ولایت یو تن خیرخواه شخصیت داکتر زرجان په خپل شخصي لګښت یې د عمر ولي لېسې لپاره کمپیوټر لب او یوه دفتري خونه جوړه کړه.
د دغه ولايت د پوهنې مسوولينو له نورو ملي شخصیتونو څخه هم وغوښتل چې د پوهنې په برخه کې ورسره مرستې وکړي.
- کاپیسا:
د کاپیسا ولایت د پوهنې ریاست تدریسي مرستیال خان آغا هارون د نجراب ولسوالۍ د غازي عبدالجمیل عالي لېسې له اداري او تدریسي چارو څخه لیدنه وکړه.
- لغمان:
د شانتي رضاکارانو موسسې مسوولینو د لغمان ولایت د پوهنې له ریس مولوي شاه جهان ساجد سره وکتل او په دغه ولایت کې یې د عامه کتابتون د جوړولو په اړه ورسره خبرې وکړې.
- همدارنګه:
د لغمان ولایت د پوهنې ریس مولوي شاه جهان ساجد د ګمین نجونو ښوونځي له اداري چارو، د زده کوونکو د عملي سویې او د دغه ولایت د ښځینه ښوونکو د تدریس میتودونه یې وڅېړلې او مسوولینو ته یې د تدریس په اړه لازمې لارښوونې وکړې.
- بلخ:
د بلخ ولايت د پوهنې ريس مولوي عبدالجليل شهیدخېل د دغه ولايت له والي مولوي محمد داوود مزمل سره په کتنه کې د دغه ولايت د پوهنې ستونزې یې ورسره شريکې کړې او د دغه ولايت د مشرتابه د ځانګړې پاملرنې غوښتنه يې وکړه.
د بلخ والي له دغې مهمې ادارې سره د هر ډول مرستو ژمنه وکړه.
- لوګر:
د لوګر ولایت د پوهنې ریس مولوي جنت ګل عزیز د پوهنې د عمومي وضعیت د ارزونې په موخه محمد اغې ولسوالۍ ته سفر کړی، چې د دې والسوالۍ د پوهنې آمریت له مسوولینو سره یې وکتل او د هغوی نظریات او وړاندیزونه یې واورېدل. او مسوولینو ته یې لازمې لارښوونې وکړې
له همدې ولایته یو بل خبر په ډاګه کوي:
د پوهنې په برخه کې د خپلو مرستو په دوام دا ځل د سیمې خلکو د دغه ولایت د شش قعله ښوونځي بامونه یې کاګل، درسي ټولګي یې جوړې، دیوالونه یې رنګمالي او د بریښنایي وسایلو د چمتو کولو په موخه یې نقدي مرستې هم وکړې.
