د غزني ولایت د پوهنې ریاست مرستیال د ناروې موسسې له ساحوي مسوول سره وکتل
د غزني ولایت د پوهنې ریاست مرستیال مولوي سید میر نصیر احمد آغا په خپل دفتر کې د ناروې موسسې د ولایتي پروګرامونو له ریس میرولي رووفي سره وکتل.
په پیل کې د ناروې د دفتر مسوول په یاد ولایت کې د یادې ادارې د فعالیتونو په اړه معلومات وړاندې کړل او په غزني ولایت کې یې د خپلو راتلونکو ښوونیزو پلانونو او پروګرامونو په اړه هم معلومات ورکړل.
ورپسې د دغه ولایت د پوهنې ریاست مرستیال پلاوي ته د ښه راغلاست په ترڅ کې په دغه ولایت کې د ناروي موسسې له لوري د ښوونیزو خدمتونو د وړاندې کولو په اړه یادونه وکړه او د غزني ولایت د پوهنې په برخه کې یې د یادې ادارې د مرستو د ترلاسه کولو لپاره یې د دې ریاست اړتیاوې شریکې کړې او ژمنه یې وکړه چې د پوهنې ریاست به د دوی د پروګرامونو د عملي کولو په برخه کې د لازمو اسانتیاوو په برابرولو کې له هر راز مرستو څخه ډډه ونه کړي.
