ترزیق واکسین ویروس کرونا برای کارمندان ریاست معارف ولایت غزنی

وزارت معارف، غزنی :- تزریق واکسین ویروس کرونا از جانب ریاست صحت عامه ولایت غزنی در همکاری ریاست معارف این ولایت برای کارمندان معارف، آغاز گردید.

ریاست صحت عامه ولایت غزنی با هماهنگی ریاست معارف تعهد نمود که واکسین ویروس کرونا را برای تمام کارمندان معارف در مرکز و ولسوالیهای مربوطه این ولایت تهیه می نماید.

بی بی رعنا نجمی معاون تدریسی و سرپرست ریاست معارف ولایت غزنی ضمن تشکری از ریاست صحت عامه این ولایت، از راه اندازی تطبیق واکسین ویروس کرونا برای کارمندان معارف در این ولایت ابراز خرسندی نموده و از همه کارمندان ریاست معارف خواست که مرحله اول این واکسین را اخذ نموده و از رهنمودهای ریاست صحت عامه پیروی کنند.

موصوف افزود که با تطبیق این واکسین، از یک طرف کارمندان معارف از خطر بیماری محافظت می شوند و از طرف دیگر از شیوع بیماری در مکاتب ، مراکز آموزشی و جامعه جلوگیری می گردد.