ترزیق واکسین وایروس کرونا برای کارمندان ریاست معارف ولایت میدان وردک
وزارت معارف، میدان وردک: تزریق واکسین وایروس کرونا از طرف ریاست صحت عامه ولایت میدان وردک رسماً برای کارمندان ریاست معارف آنولایت آغاز گردید.
واکسین متذکره برای اولین بار بالای عبدالهادی باور معاون تدریسی ریاست معارف و کارمندان ریاست معارف تطبیق گردید.
ریاست صحت عامه ولایت میدان وردک با هماهنگی ریاست معارف تعهد نمود که واکسین وایروس کرونا را برای تمامی کارمندان معارف در مرکز و ولسوالیهای مربوطه آنولایت تهیه می نمایند.
داکتر محمد سعید منصور رئیس معارف میدان وردک ضمن تشکری از ریاست صحت عامه این ولایت، از راه اندازی تطبیق واکسین وایروس کرونا برای کارمندان معارف در این ولایت ابراز خرسندی نمود و از همه کارمندان ریاست معارف خواست که مرحله اول این واکسین را اخذ نمایند و از رهنمودهای ریاست صحت عامه پیروی کنند.
موصوف افزود که با تطبیق این واکسین، از یک طرف کارمندان معارف از خطر بیماری محافظت می شوند و از طرف دیگر از شیوع بیماری در مکاتب ، مراکز آموزشی و جامعه جلوگیری می گردد.
