د پوهنې وزارت سره د وار چایلد کانادا موسسې (War Child Canada) همکارۍ دوام لري
د پوهنې وزارت، کابل: د پوهنې وزارت سرپرستې آغلی رنګینه حمیدي، د وار چایلد کانادا (War Child Canada) موسسې د مسوول ښاغلی نایت کریم سره دوشنبه د وږې په ۲۴مه په خپل کاري دفتر کې ولیدل
ښاغلی نایت کریم د وزارت د مشري څخه مننه وکړه او وویل: چې د وار چایلد کانادا (War Child Canada) موسسه د ماشومانو د تعلیم په برخه کې چې د جګړې او نا امنیو له امله زیانمن شوی او له سواد څخه بې برخې شوي دي له دغه وزارت سره همکاري کوي، او د پخوا په شان د یو پیاوړي مرستیال په توګه د پوهنې وزارت سره پاتي کیږي.
د پوهنې وزارت سرپرستې آغلی رنګینه حمیدي، په افغانستان کې د ماشومانو د پوهنې په برخه کې د وار چایلد کانادا (War Child Canada) موسسې له همکارۍ له امله مننه وکړه او ټینګار یې وکړ چې د دوی همکارۍ کولی شي د سواد زده کړې بې برخې ماشومانو لپاره د پالیسۍ پلي کولو او د کیفیت لرونکي ښوونې خدمتونو وړاندې کولو کې د پوهنې وزارت پیاوړی کړي.
