د کنړ ولایت دعمراخان لېسې دزده کوونکو سره دکرونا ناروغۍ وقایوې توکو مرسته و شوه
په هغه غونډه کې چې د عمراخان لېسې په انګړ کې جوره شوي وه، پکې د پوهنې رییس مجیب الرحمان(همدرد) مالی او اداري معاون، د ښوونېزې څارنې امر، د مرکز د پوهنې امر او د ښوونېزې څارنې امر سربېره دعمراخان لېسې مدیر ګډون کړی وو.
د پوهنې رییس مجیب الرحمان(همدرد) په وینا د صداقت غورځنګ خیریه بنسټ له لوري، د عمراخان لېسې سره(۵۰۰) ماسکونه، درې درجنه ډیټول صابون او یواندازه سنټایزر مرسته کړي، چې نن مو په همدغه لېسه کې زده کوونکو ته ووېشل موږ ترې ډېره مننه کوو، خو ګرانو زده کوونکو ته مې سپارښتنه داده، چې ښوونځیو ته د داخلیدو په وخت کې خپل لاسونه ومېنځي، سنټایزر استعمال کړي او ماسکونه واچوي او په خپل منځ او په ټولګي کې فاصله مراعت کړئ، چې ترڅو د دغه وژونکي ناروغۍ څخه روغ پاتې شي.
په اخره کې د پوهنې ریاست مالي او اداری معاون او د عمراخان لېسې مدیر هم د کرونا ناروغۍ په وقایوې تدابېرو خبرې وکړي او وویل چې ترڅو زده کوونکي مو په بشپړه روغتیا کې زده کړې وکړي.
