ملاقات وزیر معارف و معین وزارت اقتصاد
وزارت معارف- کابل: دکتر محمد میرویس بلخی وزیر معارف با محمد اسماعیل رحیمی معین مسلکی وزارت اقتصاد ملاقات کرد.
در این ملاقات روی همکاری‌های بیشتر دو وزارت معارف و اقتصاد صحبت صورت گرفت.
همچنین پروفایل‌های ایجاد شده از سوی وزارت اقتصاد برای ۳۴ ولایت که حاوی معلومات احصائیه، اجتماعی، فرهنگی و اقتصادی می‌باشد از سوی معین مسلکی این وزارت به داکتر بلخی اهدا شد.
وزیر معارف ضمن ابراز خرسندی از این اقدام بنیادی برای ایجاد فایل‌های معلوماتی موثق برای هر ولایت عنوان کرد که این معلومات می‌تواند منبع خوبی برای ارقام قابل استناد و موثق ما در بخش معارف باشد.
محمد اسماعیل رحیمی معین مسلکی وزارت اقتصاد نیز ضمن ابراز قدردانی از توجه وزارت معارف به انکشاف تعلیم و تربیه در ولایات، این وزارت را همکار معارف دانست.
